Gjerstad prestegard
58°52′47″N 9°01′16″E / 58.87981°N 9.02119°E
Gjerstad prestegard ligg søraust for Gjerstad kyrkje, på den andre sida av eit jorde i sørkant av kyrkjegarden.
Både kyrkjestaden og prestegarden har røter attende åt mellomalderen. Hovudbygningen ved prestegarden er eit sveitserhus i halvannan etasje med ståande utvendig panel. Bygningen vart restaurert i 1994 og er freda saman med forpaktarbustaden frå 1850 og eit stabbur frå 1700-talet (seinare ombygd til garasje). Søraust for hovudbygningen er eit hageanlegg. Prestegarden er rekna for å ha høg verdi som kyrkjeleg kulturminne.[1]
Då dagens hovudbygning vart oppført i 1895, vart den tidlegare hovudbygningen frå rundt 1700 riven. Der voks Niels Henrik Abel opp, idet far hans var prest i Gjerstad. Ved kyrkja er ei minnebyste av Abel utført av Brynjulf Bergslien. Det lokale historielaget har laga ein kultursti i området til minne om Abel.[2]
Kjelder endre
- Gjerstad prestebolig hos Opplysningsvesenets fond
- Gunnar Birkeland og Sigrunn Nerdal, red. (2015). «194 Gjerstad prestegård». Prestegårder i Norge – et utvalg. Opplysningsvesenets fond. s. 167–168.
Bakgrunnsstoff endre
- Gjerstad prestegard i kulturminnesok.no, nettstaden til Riksantikvaren
- Dronefilm av Gjerstad kyrkje og prestegard