Henry Endsjø
Henry Eugen Endsjø (31. mars 1894–23. juni 1973) var ein norsk journalist, redaktør og pressemann. Han var mangeårig journalist i Aftenposten, og var sjefredaktør i avisa frå 1941 til 1945.
| Henry Endsjø | |
| Statsborgarskap | Noreg |
| Fødd | 31. mars 1894 |
| Død | |
| Yrke | redaktør |
| Politisk parti | Nasjonal Samling |
| Ektefelle | Ingeborg Cathrine Margrethe (Thrine) Munthe |
Henry Endsjø var fødd i Kristiania. Han byrja som redaksjonssekretær i Smaalenenes Amtstidende i 1914 og vart tilsett som journalist i Aftenposten i 1917. Han var redaktør for Smaalenenes Amtstidende 1918–1919, og byrja i 1919 igjen i Aftenposten. Han vart sjefsekretær (redaksjonssekretær) i Aftenposten i 1927 og vart seinare redaktør for A-magasinet, ei stilling han hadde fram til han vart sjefredaktør i avisa.[1] Under andre verdskrigen var han òg styremedlem i NTB og president i Norsk Presseforbund.[2] Etter krigen vart han dømd til 12 års tvangsarbeid.
Endsjø vart gift i 1928 med Ingeborg Cathrine Margrethe (Thrine) Munthe (f. 1905), dotter av Johan Fredrik Næser Munthe og barnebarn av forsvarsminister og kommanderande general i Noreg Adolph Frederik Munthe. Tanta til Thrine Munthe, Thrine Schibsted (fødd Munthe), var eigar av Aftenposten
Fotnotar endre
- ↑ «Aftenposten taus om århundrets nyhet». Aftenposten. 4. april 2015. Henta 4. april 2015. «Da unntakstilstanden ble innført i Oslo i september 1941, ble Aftenpostens toppledelse skiftet ut med nazister. A-magasinets tidligere redaktør Henry Endsjø ble sjefredaktør og andre nazister i redaksjonen ble løftet opp til ledende stillinger. Myndighetene fant altså dem de trengte i Aftenpostens egen stab da de skulle innsette sine lojale tjenere.»
- ↑ «Historiske bilder». Scanpix. 27. januar 2012. Henta 10. april 2015.
Litteratur endre
- Biografi i Hvem er Hvem? 1930