Ivars Godmanis

Ivars Godmanis (fødd 27. november 1951) er ein latvisk politikar, og var statsminister i Latvia frå 7. mai 1990 til 3. august 1993, og igjen frå 20. desember 2007 til 12. mars 2009]]. Han leiar det liberale partiet Latvijas Ceļš ('Den latviske vegen').

Ivars Godmanis
Fødd	27. november 1951 (73 år) Riga
Statsborgar av	Latvia
Yrke	politikar, fysikar
Institusjonar	Universitetet i Latvia
Utdanna ved	Universitetet i Latvia Riga statsgymnas nr. 1
Verv	Statsminister i Latvia 1990-1993
Føregangar	Vilnis-Edvīns Bresis
Etterfylgjar	Valdis Birkavs
Verv	Statsminister i Latvia 2007-2009
Føregangar	Aigars Kalvītis
Alle verv	Latvias statsminister (2007–2009) Latvias statsminister (1990–1993) medlem av Saeima medlem av Saeima (2006–2006) medlem av Saeima (2009–2009) Medlem av Europaparlamentet (2009–2014)

Ivars Godmanis (heilt til venstre) på eit møte mellom den latviske regjeringa og representantar for USA

Godmanis vart fødd i Riga. Han var den første ikkje-kommunistiske statsministeren i Latvia etter den sovjetiske okkupasjonen då han tok over vervet i 1990, som medlem av Den latviske folkefronten (Latvijas Tautas Fronte), den breie sjølvstenderørsla. Han vart òg den første statsministeren i det sjølvstendige Latvia då landet forlet Sovjetunionen i 1991. Han var seinare finansminister frå 1998 til 1999, etter å ha blitt med i Latvijas Ceļš i 1997.

Ved parlamentsvalet 7. oktober 2006 fekk Latvijas Ceļš 8,6 % av røystene, og vart med i ei koalisjonsregjering saman med det konservative Tautas Partija (Folkepartiet) og to andre parti, under statsminister Aigars Kalvītis. Godmanis vart innanriksminister. I november 2007 måtte Kalvītis gå av, og Godmanis vart ny statsminister i desember, i ei koalisjonsregjering basert på dei same partia. Tidleg i 2009 måtte han gå av som ei følgje av den internasjonale finanskrisa, som råka Latvia hardt.