Jesus Freak

Jesus Freak Studioalbum av dc Talk
Utgjeve	1995
Innspelt	1995
Sjanger	Rock, pop
Selskap	Forefront Records
dc Talk-kronologi
Free at Last (1992)	Jesus Freak	Welcome to the Freak Show (1997)

Jesus Freak er dc Talk si fjerde cd-utgjeving, og den siste dei gav ut på Forefront Records. Plata kom ut i 1995.

Mottaking

Heile sju songar frå plata vart utgjevne som singlar: «Jesus Freak», «Between You and Me», «What If I Stumble?», «Like It, Love It, Need It», «Colored People», «In the Light» og «Mind's Eye».

dc Talk hadde tidlegare gjeve ut plater som var meir prega av hip-hop, men gjekk no over til rein rock, noko som overraska både fansen og kritikarane. Jesus Freak vann Grammy-prisen for beste rock gospel-plate i 1997.

Innhald

The greatest single cause of atheism in the world today is Christians who acknowledge Jesus with their lips and then walk out the door and deny Him by their lifestyle. That is what an unbelieving world simply finds unbelievable. Brennan Manning, på «What If I Stumble?»

Uttrykket «Jesus freak» var opphavleg eit nedverdigande uttrykk frå USA på 1960- og 1970-talet. Ein «jesus freak» var ein person som var med i Jesusrørsla, den kristne greina innanfor hippie-rørsla.

Tematikken på plata dreier seg om t.d. rasisme, tilgjeving, religiøs hyklarskap og tru på Gud.

Plata var eksperimentell i forma. Fleire stader har ho med opptak av folk som held ein tale, før eller midt inni ein song. På «Mind's Eye» kan ein høyra Billy Graham som samanliknar Gud med vinden: «I've never seen the wind! I've seen the effects of the wind, but I've never seen the wind.» Sporet «What If I Stumble» startar med eit opptak av teologen Brennan Manning som fortel om kristne som fornektar Jesus med livsstilen sin sjølv om dei seier at dei fylgjer han.

«Alas, My Love»

Det siste sporet, «Alas, My Love» er eit såkalla gøymt spor som startar med ei lang togn så lyttaren kan koma til å tru at plata er over. På den opphavlege versjonen av cd-en står det heller ikkje nokon tittel på det 13. sporet. Etter om lag to minutt med stille kjem plutseleg nokre strykarar langsamt inn før Kevin Max Smith tek til å lesa høgt eit sjølvskrive dikt; «Alas, My Love». Etter kvart kjem også fleire instrument inn og akkompagnerer Smith medan han les. Diktet handlar om Jesu lidingar på krossen.

Kevin Max Smith er både musikar og poet og har gjeve ut fleire diktsamlingar.

Sporliste

1. «So Help Me God» – 4:39
2. «Colored People» – 4:26.
3. «Jesus Freak» – 4:50. '
4. «What If I Stumble?» – 5:06
5. «Day By Day» – 4:30.
6. «Mrs. Morgan» – 0:57
7. «Between You and Me» – 4:59.
8. «Like It, Love It, Need It» – 5:23
9. «Jesus Freak (Reprise)» – 1:17
10. «In the Light» – 5:06.
11. «What Have We Become?» – 6:09.
12. «Mind's Eye» – 5:17
13. «Alas, My Love» – 5:18.

Kjelder

• Denne artikkelen bygger på «Jesus Freak» frå Wikipedia på engelsk, den 8. juni 2009.