Josefine av Noreg og Sverige

Josefine av Noreg og Sverige (14. mars 1807–7. juni 1876) var dronning av Noreg og Sverige frå 1844 til 1859.

Josefine av Noreg og Sverige
Fødd	Joséphine Maximiliane Eugénie Napoleone 14. mars 1807 Milano
Død	7. juni 1876 (69 år) Stockholm, Stockholms slott
Tittel	dronning av Sverige
Føregangar	Desideria
Etterfylgjar	Louise av Sverige og Noreg
Alle titlar	kongegemalinne, prinsesse, hertuginne, Fyrstinne
Alias	Josefine av Leuchtenberg
Hus eller slekt	Huset Bernadotte
Gravstad	Riddarholmskyrkan
Land	Sverige, Kongedømet Italia
Mor	Augusta av Bayern
Far	Eugène de Beauharnais
Ektefelle	Oscar I
Barn	Karl IV av Noreg, Prins Gustaf, Oskar II av Noreg og Sverige, Eugénie Bernadotte, Prins August

Bakgrunn

Josefine var dotter av Eugène de Beauharnais (stesonen til Napoléon Bonaparte) og Augusta av Bayern. Far hennar fekk tildelt tittelen Herzog von Leuchtenberg (hertug av Leuchtenberg) av kong Maximilian I av Bayern i 1817, etter at Napoleon var styrta.

Daguerreotyp teke mellom 1844 og 1854 av J.W. Bergström

Ho blei gift 19. juni 1823 med kronprins Oscar, som seinere blei norsk og svensk konge under namnet Oscar I.

Josefine (i Sverige Josefina) blei svært populær i sine nye heimland. Ho blei verande katolikk trass i stort press frå den lutherske svenske statskyrkja for å få henne til å konvertera. Ho arbeidde for religionsfridom, som blei innført i Sverige i 1860.

I tillegg var ho ein pådrivar for bygging av katolske kyrkjer, mellom anna St. Olavs kyrkje i Oslo.

Born

• Karl (1826–1872), hertug av Skåne
• Gustaf «Songarprinsen», (1827–1852), hertug av Uppland
• Oscar (1829–1907), hertug av Östergötland
• Eugénie (1830–1889)
• August (1831–1873), hertug av Dalarna

Anna

Josefines gate i Oslo har namn etter dronning Josefine.

Kjelder

• Denne artikkelen bygger på «Josefine av Norge og Sverige» frå Wikipedia på bokmål, den 2. januar 2018.

Litteraturliste

• Thuesen, Nils Petter (1991), Norges dronninger gjennom tusen år, Oslo: Tiden Norsk Forlag, ISBN 82-1003-458-8