Kobbefjorden i Måsøy
Kobbefjorden (nordsamisk Gáhppovuotna) er ein fjord i Måsøy kommune i Finnmark. Fjorden strekkjer seg 20 km sørover til botn av Vesterbotnen.
| Kobbefjorden | |||
| fjord | |||
| Land |  Noreg
| ||
|---|---|---|---|
| Fylke | Finnmark | ||
| Kommune | Måsøy | ||
 Kobbefjorden i Måsøy 70°55′03″N 25°13′58″E / 70.917539°N 25.23284889°E | |||
Fjorden har innløp mellom Kjerringberget i vest og Stikkelvågnæringen i aust. Like innanfor munningen går Ryggefjorden 10 km sørvestover frå vestsida. Store Kobbøya ligg litt aust for innløpet til denne fjordarmen. Nesten heilt inst i fjorden ligg Lille Kobbøya, og like sør for denne deler fjorden seg i Vesterbotnen i sørvest og Austerbotnen i søraust.[1] Fjorden er 217 meter på det djupaste, heilt ytst i fjorden.
Heilt inst i fjorden ligg to små busetnader. Kobbstein ligg på austsida av Vesterbotnen og Kjerringvik ligg inst i vika med same namn like aust for Vesterbotnen.
Kjelder
endre- ↑ Kobbefjorden på Norgeskart.no frå Statens kartverk
70°55′3.1404″N 25°13′58.256″E / 70.917539000°N 25.23284889°E