Koloman Gögh

Koloman Gögh (7. januar 1948–11. november 1995) var ein slovakisk fotballspelar som vann EM-gull med Tsjekkoslovakia i 1976. Midtstopparen var med å vinne seks nasjonale pokalar, både tsjekkoslovakiske og slovakiske, med Slovan Bratislava.

Koloman Gögh
Alias	ungarsk Gőgh Kálmán
Statsborgarskap	Tsjekkoslovakia
Fødd	7. januar 1948 Kladno
Død	11. november 1995 (47 år) Gattendorf
Yrke	fotballspelar, fotballtrenar
Koloman Gögh på Commons

Aktiv

Gögh var fødd i Kladno i dagens Tsjekkia, men byrja spele fotball i Kolárovo i dagens Slovakia, ein by med over 80% etniske ungararar. Under militærtenesta som fallskjermhoppar var han aktiv i Dukla Holešov. Deretter spelte han i ti år, 1970 til -80, på topplaget Slovan Bratislava. Her var han i 1974 med på storeslem; siger i den tsjekkoslovakiske serien, den slovakiske cupen og i cupfinalen mot den tsjekkiske cupvinnaren. I tillegg vart laget seriemeistrar i 1975 og triumferte i den slovakiske cupen i 1972 og -1976. Sidan 1980 var han aktiv i austerrikske VÖEST Linz i to sesongar, og like lenge i slovakiske Dunajská Streda til han la opp i 1984.

Gögh spelte 55 landskampar for Tsjekkoslovakia i tida 1974-80. Han var med på laget som sigra over Vest-Tyskland etter straffeskyting, og dermed vann fotball-EM 1976. Fire år seinare var han med då Tsjekkoslovakia kneip bronsen i EM i fotball 1980, i det som vart hans siste i landslagsdrakt. Han skåra eitt einaste landslagsmål.

Seinhaustes 1995 omkom Gögh i ei bilulukke ved Gattendorf i Austerrike, 47 år gammal.

Merittar

• Europameister: 1976 med Tsjekkoslovakia
• EM-bronse: 1980 med Tsjekkoslovakia
• Tsjekkoslovakisk seriemeister: 1974 og 1975 med Slovan Bratislava
• Slovakisk cupmeister: 1972, 1974 og 1976 med Slovan Bratislava
• Tsjekkoslovakisk cupvinnar: 1974 med Slovan Bratislava

Kjelder

• Denne artikkelen bygger på «Koloman Gögh» frå Wikipedia på engelsk, den 15. mai 2017.