Konotop

Konotop (ukrainsk Конотоп ) er ein by nord i Ukraina i Sumy oblast. Konotop er senteret i Konotop rajon (distrikt) og ligg kring 129 km frå Sumy.

Konotop
Конотоп
by
Kyrkje i Konotop
våpen
Land	Ukraina
Høgd	142 moh.
Koordinatar	51°13′N 33°12′E
Areal	43,78 km²
Folketal	92 687  (2014)
Folketettleik	2 117 / km²
Grunnlagd	1634
Konotop 51.2375°N 33.208333333333°E / 51.2375; 33.208333333333
Wikimedia Commons: Konotop
Nettstad: http://www.konotop-rada.gov.ua/

Konotop flybase ligg ved byen. Konotop er ei dag eit viktig senter for maskinbygging, samt eit trafikknutepunkt. Byen har trikk og er den minste byen i landet med eige trikkesystem.

Historie

På byrjinga av 1600-talet var ukrainske kosakkar dei første som slo seg ned i området. Busetnaden vart først nemnd i 1634 i forskjellige dokument som Novoselitsa. I 1642 vart det bygd ei polsk festning på staden kalla opp etter elva Konotopka. Truleg forsvann elva og ei anna festning, Jezutsj, vart bygd. Festninga vart viktig i kampane mot storfyrstedømet Moskva. Somme historikarar meiner at Konotop var busett sjølv før den tatar-mongolske invasjonen. Ei segn seier at mange av hestane og soldatane til eit tatarisk kavaleri drukna i myrområde kring byen og at det er derfor området har namnet Konotop, der kon tyder hingst og topat tyder å drukne.

I 1659 fann slaget ved Konotop stad nær byen, der polakkar krimtatarar og ukrainske kosakkar leia av Ivan Vyhovsky slo ein russisk-ukrainsk styrke. I 1782 fekk Konotop bystatus.

Geografi

Klima

Vêrdata for Konotop
	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Gjennomsnittleg maks °C	−3	−1,9	4,2	13,5	20,8	23,7	25,7	24,7	18,8	11,3	3,6	−1	11,7
Døgnmiddeltemperatur °C	−5,4	−4,9	0,5	8,8	15,1	18,4	20,3	19,1	13,7	7,1	1,2	−3,4	7,5
Gjennomsnittleg min °C	−7,8	−7,9	−3,2	4	9,4	13,1	14,9	13,4	8,6	3	−1,3	−5,8	3,4
Kjelde: Клімат та погода Конотоп

Bakgrunnsstoff

• Offisiell nettstad