Kristian Laake

Kristian Kristiansen Laake (9. april 1875–3. august 1950) var ein norsk hærmann frå Ullensaker, kommanderande general i tida frå 1931 til 10. april 1940.

Laake var offiser frå 1897 og tok eksamen ved den militære høgskulen i 1900. Frå 1911 var han knytt til Generalstaben, i 1931 utnemnd til generalløytnant og kommanderande general, i to år også sjef for Generalstaben.

Straks etter Tyskland invaderte Noreg 9. april 1940 vart Laake avsett som kommanderande general og erstatta av oberst Otto Ruge.

Kjelder

• Norsk Allkunnebok. VIII. bandet. 1957