Kvikk Lunsj
Kvikk Lunsj er produktnamnet for ein kjekssjokolade som blei lansert av søtsakprodusenten Freia i 1937.[1] Kvikk Lunsj blir i dag produsert av Mondelez International og selt i Noreg, Sverige og Danmark.
Kvikk Lunsj er blitt framstilt som ein «tursjokolade» sidan lanseringa, og mange assosierer han med skiturar, spesielt i påskeferien, der sjokoladen ofte blir brukt som energigjevande niste.
Skildring
endreSjokoladen består av fire avlange kjeksbitar omgitt av sjokolade. Mellom kjeksbitane er sjokoladelaget tynnare slik at det er lettare å dele sjokoladen. Kjeksen er laga som er steikt til flak og trykka ut til avlange bitar som blir limte saman i tre lag. Fire og fire bitar blir lagde saman og trekte med mjølkesjokolade.[2]
Historie
endreSidan lanseringa har Kvikk Lunsj blitt laga på ein fabrikk på Rodeløkka.[2]
Oppskrifta på Kvikk Lunsj har vore den same sidan 1930-talet.[2] Designet på innpakninga har også vore lik, men i 1960-åra trykte Freia fjellvettreglane på baksida.[1] Innpakninga blei endra frå papir til plast i 2005, noko som vekte sterke reaksjonar.[2]
Kvikk Lunsj liknar mykje på Kit Kat, ein sjokolade som blei laga for den britiske marknaden av Rowntree Limited frå 1935.[3]
Kvart år blir det laga kring 50 millioner plater Kvikk Lunsj, mellom fire og fem tonn. I løpet av eitt år et kvar nordmann i gjennomsnitt ni Kvikk Lunsj-sjokoladar. Fire av desse blir etne i løpet av påska.[2]
Kjelder
endre- ↑ 1,0 1,1 «Freias sjokolader». Freia. Henta 29. oktober 2024.
- ↑ 2,0 2,1 2,2 2,3 2,4 Pia Cecilie Lund (2. april 2015). «Slik ble den «tursjokoladen»». Stavanger Aftenblad. Henta 26. juli 2018.
- ↑ «History of KitKat» - Nestlé offial page, arkivert frå originalen 10. januar 2012, henta 18. mai 2012