Luktesalt

Luktesalt er kjemiske stoff med skarp lukt som blir brukt til å gjenvekka medvit gjennom luktesansen. Luktesalt kan ofte innehalda salt som hjortetakksalt eller ammoniumkarbonat. I England var «luktesalt» gjerne ei blanding av konsentrerert eddiksyre og kaliumsulfat.

Flaske med luktesalt, brukt for å vekka opp tannlegepasientar etter ein operasjon.

Tidlegare blei luktesalt mykje brukt i samband med besviming. Folk kunne bera dei med seg i ei lita lukteflaske eller eske. I nyare tid er dei blitt brukt ein del av idrettsutøvarar som boksarar og vektløftarar for å spora dei til innsats.

Kjelder

• Luktesalt (14. februar (2009), Store norske leksikon. Fri artikkel henta 28. februar 2014.
• «luktesalt» i Nynorskordboka.
• «Luktsalt», Nordisk familjebok (1912) ved Project Runeberg