Lusail

Lusail er den nyaste planlagde byen i Qatar, på kysten nord i kommunen Al Daayen. Lusail ligg kring 23 km nord for sentrum av Doha, like nord for Al Qutaifiya. Han dekkjer over 35 km² og vil etter kvart vere bustad for opp til 260 000 menneske. Han er planlagd å ha båthamner, bustadområde, feriestader, handelsområde, luksusbutikkar og fritidsanlegg, som to golfbanar, ein sjiraff-zoo og eit underhaldningsdistrikt. Bygginga pågår framleis. Han vert utvikla av det statlege Qatari Diar Real Estate Investment Company og Parsons Corporation.

Lusail
by
Land	Qatar
Kommune	Al Daayen
Koordinatar	25°30′N 51°29′E
Lusail 25°25′3″ N 51°30′27″ E
Wikimedia Commons: Lusail

Lusail Iconic Stadium, med ein kapasitet på over 80 000 tilskodarar, er planlagd bygd for opningskampen og finalekampar i fotball-VM i 2022. Stadionet er inspirert av seglet på dei tradisjonelle dhow-båtane, sidan byen ligg på austkysten, der det tidlegare var mange slike perlefartøy. Etter fotball-VM skal stadionet nyttast til andre idretts- og kulturarrangement. Lusail Sports Arena husa handballkampar under handball-VM for herrar 2015.

Kjelder

• Denne artikkelen bygger på «Lusail» frå Wikipedia på engelsk, den 6. februar 2017.
  • Wikipedia på engelsk oppgav desse kjeldene:

Bakgrunnsstoff

• Lusail
• Lusail City - utvikling