Mahmoud Ahmadinejad
Mahmoud Ahmadinejad (fødd 28. oktober 1956) er tidlegare president i Iran og var den sjette presidenten i landet frå 2005 til 2013. Han var borgarmeister i Teheran frå 2003 til 2005, og er rekna for å vere ein religiøs konservativ leiar med islamistiske og folkelege syn. Ahmadinejad er utdanna ingeniør og var professor ved det teknologiske og vitskaplege universitetet i Iran før han vart borgarmeister.
| Mahmoud Ahmadinejad | |
 | |
| Fødd | 28. oktober 1956 (66 år) Aradan |
|---|---|
| Statsborgar av | Iran |
| Parti | Alliance of Builders of Islamic Iran, Society of Devotees of the Islamic Revolution |
| Yrke | universitetslærar, politikar, ingeniør |
| Institusjonar | Iran University of Science and Technology |
| Utdanna ved | Iran University of Science and Technology |
| Ektefelle | Azam Farahi |
| Medlem | Alliance of Builders of Islamic Iran |
| Verv | President i Iran 2005-2013 |
| Føregangar | Mohammad Khatami |
| Etterfylgjar | Hassan Rouhani |
Ahmadinejad vart vald til president i Iran 24. juni 2005 i den andre valrunda i presidentvalet framfor rival og tidlegare president Ali Akbar Hashemi Rafsanjani, som Ahmadinejad sigra over med 61,69 % av dei rundt 28 millionar stemmene. Valdeltakinga på rundt 59,6 %. Iranske analytikarar forklarer støtta Ahmadinejad hadde, særleg blant dei fattige i landet, med den enkle livsstilen og dei populistiske meiningane hans.