Martha Daniell Logan
Martha Daniell Logan (29. desember 1704–28. juni 1779) var ein amerikansk botanikar. Ho samla og selde plantar og frø, og skreiv frå 1750 ei innverknadsrik hagespalte i South Carolina Gazette. Logan spelte ei viktig rolle i planteutvekslinga mellom Nord-Amerika og Storbritannia gjennom samarbeidet sitt med den britiske botanikaren John Bartram.
| Martha Daniell Logan | |||
| Fødd | 29. desember 1704 Sør-Carolina | ||
|---|---|---|---|
| Død | 28. juni 1779 Charleston i Sør-Carolina | ||
| Nasjonalitet | USA | ||
| Yrke | skribent, gartnar, botanikar, plantesamlar | ||
| Barn | William Logan | ||
Liv og virke
endreLogan var fødd inn i ein rik familie i St. Thomas Parish i Sør-Carolina. Foreldra hennar var Robert Daniell og Martha Wainwright. Faren var ein framståande kjøpmann og var viseguvernør (lieutenant governor) for Sør-Carolina i to periodar.[1] Ho fekk lese- og skriveopplæring av ein huslærar. Etter at faren døydde i 1718 arva Martha Daniell eigedommen hans langs Wando-elva.[1] I 1719 gifta ho seg med George Logan, Jr. I løpet av dei følgjande seksten åra fødde ho åtte barn; seks av dei voks opp.[2] Familien Logan flytta etterkvart frå Wando til ein plantasje nær Charleston i Sør-Carolina, og Martha byrja den botaniske innsamlinga si i skogen i nærområdet.[2]
Etter at ektemannen døydde i 1742 hadde Martha Logan økonomiske vanskar. I 1742 sette ho inn ein annonse i South Carolina Gazette der ho tilbaud å husa barn og læra dei å lesa og skriva.[3] Sonen hennar Robert annonserte om sal av importerte frø, planterøter og fruktsteinar. I 1751 byrja Martha å skriva spalta Gardener's Kalendar for South Carolina Gazette.
Fortsette økonomiske vanskar gjorde at ho måtte selja plantasjen i 1753. Martha flytta til Charleston der ho selde uvanlege frø og røter og gjekk djupare i dei botaniske studia sine.[4] Ho fortsetta å samla plantar, frø og anna plantemateriale, og byrja ei omfattande brevveksling med den kongelege botanikaren John Bartram.[5] Bartram var stasjonert i Philadelphia, og utveksla eksemplar og mykje informasjon med Logan.[2]
Logan døydde i Charleston då ho var 75 år gammal, 28. juni 1779.[2][6]
Kjelder
endre- ↑ 1,0 1,1 «Logan, Martha Daniell». South Carolina Encyclopedia (på engelsk). Henta 26. januar 2019.
- ↑ 2,0 2,1 2,2 2,3 Oakes, Elizabeth H. (2002). International Encyclopedia of Women Scientists. Facts on File. ISBN 0-8160-4381-7.
- ↑ Ogilvie, Marilyn Bailey; Harvey, Joy Dorothy (2000). The Biographical Dictionary of Women in Science: L-Z (på engelsk). Taylor & Francis. ISBN 9780415920407.
- ↑ Hershey, David, R. (April–June 1992). «Notable Women in the History of Horticulture». HortTechnology 2 (2): 180–182.
- ↑ Parrish, Susan Scott (2002). «Women's Nature: Curiosity, Pastoral, and the New Science in British America». Early American Literature 37 (2): 195–245. ISSN 0012-8163.
- ↑ Marilyn Bailey Ogilvie & Joy Dorothy Harvey (2000). The Biographical Dictionary of Women in Science: L-Z. Taylor & Francis. s. 799. ISBN 041592040X. Henta 25. februar 2015.
- Denne artikkelen bygger på «Martha Daniell Logan» frå Wikipedia på svensk og «Martha Daniell Logan» frå Wikipedia på engelsk, den 24. juli 2020.