For elva i Sør-Schwarzwald, sjå Murg i Sør-Schwarzwald

Murg er ei elv i Baden-Württemberg i Tyskland, og ei av sideelvane til Rhinen frå høgre med ei lengd på 96 km. Ho har sitt utspring i Obertal i Schwarzwald, ein del av Baiersbronn, der elvane Rechtmurg (Høgre Murg) og Rotmurg (Raude Murg), begge med utspring i Schliffkopf i byen Baiersbronn, renn i hop. Elva renn gjennom Baiersbronn, Forbach, Gernsbach og Gaggenau før ho munnar ut i Rhinen ved Rastatt. Munningen vart flytta 1,5 km vestover etter at ho vart retta opp av ingeniøren Johann Gottfried Tulla.

Murg
elv
Land  Tyskland
Nedslagsfelt 637 km²
Lengd 96 km
Kjelde Schwarzwald
 - høgd 875 moh.
Munning Rhinen
Kart
Murg
48°55′9″ N 8°9′53″ E
Wikimedia Commons: Murg (Northern Black Forest)

I tidlegare tider var Murg ei viktig elv for tømmerfløting. Tømmeret vart transportert til Steinmauern, der det vart tørka og sett i saman til større flåtar. Frå Steinmauern vart tømmeret fløta vidare til Mannheim og frå her til Nederland.

Kjelder endre