Niels Mathiesen
Niels Mathiesen (16. september 1829–2. desember 1900) var ein norsk handelsmann frå Porsgrunn som var stortingsmann 1862-69.
| Niels Mathiesen | |
| Statsborgarskap | Noreg |
| Fødd | 16. september 1829 |
| Død |
2. desember 1900 (71 år) |
| Yrke | politikar, forretningsdrivande |
| Språk | norsk |
Mathiesen var son til ein skipper. Sjølv var han kjøpmann i heimbyen frå ung alder. Frå 1855 til 1886 var han medlem av bystyret i Porsgrunn, størstedelen av tida sat han i formannskapet. Han var ordførar i til saman elleve år i tida 1861-84.
Mathiesen var valmann ved mange stortingsval. Han representerte heimbyen Porsgrunn på Stortinget 1862-63, Omframtstortinget 1864, og stortinga 1865-66 og 1868-69. Ved begge dei to siste tingsamlingane var han medlem av Vegkomiteen, medan han i 1862-63 var medlem av Protokollkomiteen.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914