Norsk Slektshistorisk Forening
Norsk Slektshistorisk Foreining (NSF) vart stifta 22. oktober 1926. Tidlegare hadde norske slektsforskarar og genealogar hatt felles organisasjon med dei danske gjennom Dansk-norsk Samfund for Genealogi og Personalhistorie (stifta 1879).
| Norsk Slektshistorisk Forening | |||
| Type | forening/lag/innretning | ||
|---|---|---|---|
| Org.nummer | 971277750 | ||
| Skipa | 1926 | ||
| Nettstad | https://genealogi.no  | ||
Foreininga skulle ha som hovudmål å gje ut publikasjonar til å fremje kunnskapen om slekter og slektsforsking i Noreg. Foreininga gjev ut fagtidsskriftet Norsk Slektshistorisk Tidsskrift og medlemsbladet Genealogen, begge med to nummer i året.
I 1906 kom det første tidsskriftet for norsk slektsforsking. Norsk tidsskrift for genealogi, personalhistorie, biografi og litteraturhistorie kom ut med til saman 16 hefte (fordelt på 3 band) fram til 1926. Tidsskriftet var redigert av Erik Andreas Thomle, Stian Herlofsen Finne-Grønn og Christoffer Morgenstierne Munthe. I 1927 vart denne publikasjonen erstatta av Norsk slektshistorisk tidsskrift som tidsskrift for slekts- og personalhistorie i Noreg.
Norsk Slektshistorisk Foreining har i dag rundt 2.100 medlemmar i inn- og utland og driv eit fagbibliotek i Oslo. Rune Nedrud er formann (2015).