Robert Carver

Robert Carver (også Carvor, Arnot;^[1] ca. 1485–ca. 1570) var ein skotsk kannik (canon regular) og komponist av kristen heilag musikk under renessansen.

Carver er rekna som den største skotske komponisten på 1500-talet. Han er best kjend for polyfonisk kormusikk. Det er bevart fem messer og to motettar etter han. Verka som heilt sikkert kan tilskrivast han står i Carver Choirbook,^[2] som no er ved National Library of Scotland.

Kjende komposisjonar

Følgjande verk er tillagde Robert Carver i Carver Choirbook:^[3]

Dum sacrum mysterium. Messe for ti stemmer.
L'homme armé. Messe for fire stemmer.
Pater Creator omnium. Messe for fire stemmer.
Fera pessima. Messe for fem stemmer.
Messe utan namn for seks stemmer.
O bone Jesu. Motett for nitten stemmer.
Gaude flore virginali. Motett for fem stemmer.

Ei messe utan namn for tre stemmer i Carver Choirbook og ei messe, Cantate Domino for seks stemmer i Dowglas/Fischar partbooks blir vanlegvis tillagde Carver. Nokre tillegg også Carver messa Felix namque for seks stemmer, som også er i Dowglas/Fischar partbooks.

Carver i kulturen

Verk av Carver blir framleis framført i dag. Carver var påverka av komponistar frå Kontinental-Europa, og musikken som er att etter han skil seg mykje frå den til samtidige komponistar både i Skottland og England. Han hadde ein rikt ornamentert stil som mest av alt minner om musikken i Eton Choirbook.

Carver var emne for eit høyrespel på BBC Radio i 1991, Carver av John Purser, som vann ein Giles Cooper-pris det året.

Kjelder

↑ Elliott, Kenneth (2001). «Robert Carvor». I Sadie, Stanley; Tyrrell, John. The New Grove Dictionary of Music and Musicians (2. utg.). London: Macmillan.
↑ National Library of Scotland
↑ National Library of Scotland

Denne artikkelen bygger på «Robert Carver (composer)» frå Wikipedia på engelsk, den 7. november 2022.

Bakgrunnsstoff

Fritt tilgjengelege notar av Robert Carver ved International Music Score Library Project (IMSLP)

Free scores by Robert Carver in the Choral Public Domain Library (ChoralWiki)
Digitised scores can be viewed through the Five Centuries of Scottish Music collection hosted by AHDS Performing Arts
Classical.net
The Carver Choirbook (registration needed)

[1] Elliott, Kenneth (2001). «Robert Carvor». I Sadie, Stanley; Tyrrell, John. The New Grove Dictionary of Music and Musicians (2. utg.). London: Macmillan.

[nationallibrary2-2] National Library of Scotland

[nationallibrary3-3] National Library of Scotland

[1]

[2]

[3]