Runesteinane i Skjeberg kyrkje

Runesteinane i Skjeberg kyrkje er to runesteinar i yttermuren på Skjeberg kyrkje i Sarpsborg kommune i Østfold.

Skjeberg kyrkje I

Dette er ein firkanta stein som står i sørmuren på koret. Steinen er første gong nemnt i eit brev frå sokneprest Andreas Mørch i 1810. I 1816 var M.F.Arendt på staden og laga ei avteikning. Innskrifts vart undersøkt nærare av Oluf Rygh i 1899, og tolkinga hans er:

þetta hus er u(i)

kt dtrotne uaro(m)

ok mođor hans marie

ok petre postola

På norrønt vert det: þetta hús er vigt Drótni várum ok mođur hans Maríu ok Pétri postola.

I moderne norsk vert det: «Dette hus er vigd vår Herre og mor hans Maria og apostelen Peter».

Runene skriv seg frå siste halvdel av 1200-talet.

Skjeberg kyrkje II

Steinen er mura inn i sørausthjørnet av kyrkja. På toppen er det hogd ut eit mannshovud mot aust, på sørsida står innskrifta:

stein þenna gærđe

botolfr steinmeistaræ

På norrønt vert det: Stein þenna gerđi Botolfr steinmeistari

Og på moderne norsk: «Denne steinen vart gjort av Botolv steinmeister».

Som Skjeberg kyrkje I er òg denne innskrifta frå seint 1200-tal.

Sjå også

• Runesteinar i Noreg

Kjelder

• Denne artikkelen bygger på «Runesteinene i Skjeberg kyrkje» frå Wikipedia på bokmål, den 25. november 2019.

Litteratur

• Norges innskrifter med de yngre runer. Norsk historisk kjeldeskrift-institutt. s. 9ff.