Sharam Alghasi

Sharam Alghasi (fødd 23. august 1966) er ein norsk-iransk sosiolog og doktorgradsstipendiat ved CULCOM – Kulturell kompleksitet i det nye Norge, eit forskingsprogram ved Universitetet i Oslo. Han har hovudfag (og dermed graden cand.polit) i sosiologi frå 1999 på same universitet, med hovudoppgåve om korleis norske debattprogram på fjernsyn i perioden 1987–1997 handsamar emna «innvandring» og «innvandrarar». Alghasi har tidlegare vore fyrstekonsulent i Utlendingsdirektoratet (UDI) og prosjektleiar for MiFA (Minoriteter i Fokus i Akademia) ved UiO.

Sharam Alghasi
Statsborgarskap	Noreg
Fødd	1966 (58 år)
Yrke	sosiolog

Han var medredaktør for boka Mellom to kulturer (2006) og Paradoxes of Cultural Recognition (2009). I tillegg har han vore med på å arrangere fleire seminar om tema som innvandrarar og identitet. Som doktorgradsstipendiat ved CULCOM studerer han norsk-iranarane sine medievanar og korleis tilhøvet mellom dei og media påverkar identiteten og rolla deira i det norske samfunnet.

Bibliografi

• 2006: Mellom to kulturer (red. saman med Katrine Fangen og Ivar Frønes). Gyldendal akademisk, Oslo. ISBN 978-82-05-34002-2
• 2009: Paradoxes of Cultural Recognition – Perspectives from Northern Europe (red. saman med Thomas Hylland Eriksen og Halleh Ghorashi). Ashagate, Farnham i Surrey. ISBN 978-0-7546-7469-6

Kjelder

• Knut Olav Åmås [red.]: «Alghasi, Sharam» i Hvem er hvem? (Aschehoug, 2008)
• Sharam Alghasi si side hjå CULCOM