Suva

Suva
Styresmakter
Land	Fiji
Gjort til hovudstad	1882
Geografi
Flatevidd  - Hovudstad	2048 km²
Innbyggjarar  - Hovudstad (2003)	199.400
Tidssone	UTC +12 (UTC12)
Plassering

Suva er hovudstaden og den største byen i Fiji. Byen ligg på søraust-kysten av øya Viti Levu.

Historie

Suva var opphavleg ein landsby på Fiji-øyane. Fiji vart ein britisk koloni i 1874, og britane gjorde offisielt Suva til hovudstad i staden for Levuka i 1882. I oktober 1910 fekk Suva bystatus og vart med det den fyrste byen på Fiji. Suva har utvikla seg til å få mange forstader og har vorte eit større metropol-område. Suva er ein av dei største byane i Sør-Stillehavet.

Innbyggjarar

Suva er den viktigaste hamnebyen på Fiji. Han eksporterer m.a. sukker og frukt. Folket i Suva er for det meste fjianarar og indo-fijianarar, men også europearar, kinesarar m.m.

Bygningar

I Suva finst University of South Pacific, Fiji Museum, den botaniske hagen Thurston Gardens pluss eit stort shoppingsenter.

Transport

Transportsystemet i Suva består for det meste av bussar og drosjar. Det går også ferjer herifrå til dei andre Fiji-øyane. På øya Viti Levu ligg også lufthamna Nausori International Airport.

Kjelder

• Store Norske Leksikon om Suva.
• Engelsk Wikipedia om Suva, henta inn 5. januar 2011.