Theophilus
Theophilus er eit markant ringfjell på månen som ligg mellom Sinus Asperitatis i nord og Mare Nectaris i søraust. Det går delvis inn i det nesten like store Cyrillus i sørvest. I aust ligg det mindre krateret Mädler og lenger sør-søraust ligg Beaumont.[1] Han vart kalla opp etter den koptiske paven Theofilos (Theophilus) av Alexandria.[2]
 Mosaikk av Lunar Orbiter 4-bilete | |||
| Koordinatar | 11°24′S 26°24′E / 11.4°S 26.4°E | ||
|---|---|---|---|
| Diameter | 100 km | ||
| Djupne | 3.2 km | ||
| Colengdegrad | 333° ved soloppgang | ||
| Eponym | Theophilus frå Alexandria | ||
Theophilus, Cyrillus og Catharina dannar ei markant gruppe store krater som er synlege ved terminator fem dagar etter nymåne.
Kanten av Theophilus har ein vid, terrassert indre flate som syner indikasjonar på jordras. Veggane er 4,6 km høge og har brote inn i krateret Cyrillus.[3] Det vart skapt under eratosthenium frå 3,2 til 1,1 milliardar år sidan. Det har eit stort sentralt fjell, 1400 meter høgt, med fire toppar.[2]
Botnen i krateret er relativt flatt. Den vestlege toppen på sentralfjellet heiter Psi (ψ), den austlege Phi (φ), og den nordlege Alfa (α) Theophilus. Vestsida av denne ryggen er vidare og meir irregulær.[4]
Under Apollo 16 vart det samla inn fleire bitar av basalt som ein trur er kasta ut under danninga av Theophilus.[5]
Satellittkrater
endreTil vanleg er desse identifisert på månekart med ein bokstav ved sidan av kratermidtpunktet som er nærast Theophilus.[6]
| Theophilus | Breiddegrad | Lengdegrad | Diameter |
|---|---|---|---|
| B | 10.5° S | 25.2° E | 8 km |
| E | 6.8° S | 24.0° E | 21 km |
| F | 8.0° S | 26.0° E | 13 km |
| G | 7.2° S | 25.7° E | 19 km |
| K | 12.5° S | 26.3° E | 6 km |
| W | 7.8° S | 28.6° E | 4 km |
Kjelder
endre- Denne artikkelen bygger på «Theopilus (crater)» frå Wikipedia på engelsk, den 10. juli 2016.
- Wikipedia på engelsk oppgav desse kjeldene:
- ↑ «Moon - Theophilus crater region». astrosurf.com. Henta October 16, 2007.
- ↑ 2,0 2,1 Autostar Suite Astronomer Edition. CD-ROM. Meade, April 2006.
- ↑ Moore, Patrick (2001). On the Moon. Sterling Publishing Co.. ISBN 0-304-35469-4.
- ↑ Rükl, Antonín (1990). Atlas of the Moon. Kalmbach Books. ISBN 0-913135-17-8.
- ↑ «Apollo 16 Mission». Lunar and Planetary Institute. Henta October 16, 2007.
- ↑ Bussey, B.; Spudis, P., (2004). The Clementine Atlas of the Moon. New York: Cambridge University Press. ISBN 0-521-81528-2.