Thomas Pettersen
Thomas Pettersen (fødd 20. april 1976) er ein norsk tidlegare handballspelar som vann fleire kongepokalar og seriemeistertitlar med Sandefjord TIF.
Pettersen var kantspelar på Sandefjord TIF i tida 1992-2005. I denne perioden var laget mellom dei aller fremste i landet og sanka nesten årvisst medaljar i serien og i NM-cupen. Frå 2005 trappa han ned med spel på nivå tre for Falk i Horten, og sidan som innbytar i Sandefjord TIF.
Pettersen deltok i 21 landskampar for Noreg i tida 1998-2001. Han var då med i troppa til Handball-VM 1999 for menn, der Noreg vart nummer 13. I alt noterte han seg for 31 mål.
Kjelder endre
- Denne artikkelen bygger på «Thomas Pettersen» frå Wikipedia på engelsk, den 17. april 2021.