Barn av tyske soldatar i Noreg
(Omdirigert frå Tyskarunge)
Barn av tyske soldatar i Noreg viser til krigsbarn frå andre verdskrigen som med tyske soldatar som fedrar. Slike barn vart ofte nedsetjande kalla «tyskarungar». I løpet av åra 1940-1945 (1946) vart det fødd mange barn i Noreg med norsk mor og ein tysk soldat som far. Slike barn vart ofte utsette for mobbing, utfrysing og liknande gjennom oppveksten i etterkrigsåra.
Den første interesseorganisasjonen til barn av tyske soldatar, Norges krigsbarnforbund, vart stifta i 1986. Usemje mellom anna om offentleg godtgjersle førte i 1999 til skipinga av Krigsbarnfobundet Lebensborn.
