Ulla Lindkvist

Ulla Maria Lindkvist (30. august 1939–6. august 2015) var ein svensk orienteringsløpar. Ho vart verdsmeister i 1966 og 1968, og nordisk meister i 1967, 1969, 1971 og 1973.

Ulla Lindkvist
Statsborgarskap	Sverige
Fødd	30. august 1939
Død	6. august 2015 (75 år) Flen
Idrett	orientering

Lindkvist vart europameister i 1962. I 1966 vart ho den fyrste verdsmeisteren i orientering, ein VM-tittel ho forsvarte i 1968. I mellomtida vart ho nordisk meister i 1967, ein meistertittel ho beheldt gjennom dei nordiske meisterskapane 1969, 1971 og 1973. Attåt dei individuelle triumfane, sprang ho Sverige inn til stafett-gull i Nordisk 1967, VM 1968, Nordisk 1969 og VM 1970.

Lindkvist sigra i femdagars-tevlinga O-Ringen alle åra frå 1967 til 1974.

Medaljar og plasseringar i verdsmeisterskap

• VM 1966: Gullmedalje
• VM 1968: Gull individuelt og i stafett
• VM 1970: Sølv individuelt og gull i stafett
• VM 1972: Sølv i stafett, nr 4 individuelt

Kjelder

• Denne artikkelen bygger på «Ulla Lindkvist» frå Wikipedia på svensk, den 27. juni 2023.