Uniforum
Uniforum er ei nettavis og tidlegare tidsskrift utgjeve av Universitetet i Oslo. Avisa skal «gi sakleg og fri informasjon og meiningsutveksling frå Universitetet i Oslo på tvers av institutt- og fakultetsgrenser og administrative nivå».[1] Avisa er ein del av Fagpressen.[2] Ansvarleg redaktør sidan august 1997 er Martin Toft.[3][4]
Uniforum vart grunnlagd i 1986 av daverande informasjonssjef på universitetet Tove Nielsen. Avisa var tidlegare ein del av Kommunikasjonsavdelinga på universitetet, men vart i 2009 skilt ut som ei eiga eining Universitetsstyret.[5] I 2011 utkom Uniforum omtrent kvar 14. dag i studieåret, og hadde eit opplag på 13 850 eksemplar.[6]
Uniforum har vorte redigert etter Redaktørplakaten og Vær Varsom-plakaten sidan april 2005.[7]
Nedlegging av papiravisa endre
På grunn av manglande ressursar til å trykkja og distribuera papiravisa, vedtok styret i Uniforum 17. mars 2011 at papiravisa skulle leggjast ned frå august 2011.[8] I juni same år bad Universitetsstyret om at Uniforums styre skulle handsama saka på nytt, og i september gjekk styret for Uniforum inn for å gjere om vedtaket blant anna på grunnlag av at papirutgåva hadde fleire lesarar enn nettutgåva.[8] I januar 2012 vart papiravisa gjeninnført etter at Universitetsstyret gav avisa ei ekstraordinær løyving på 250 000 kroner.[9][10]
27. september 2016 stemde styret i Uniforum på nytt for å leggja ned papiravisa for å spara pengar på trykking og distribusjon og styrke nettredaksjonen.[11] Siste utgåve av papiravisa vart utgjeven 15. desember 2016.[1]
Kjelder endre
- ↑ 1,0 1,1 «Fylg med over i nettutgåva til Uniforum!». 15. desember 2016.
- ↑ «Fagpressen - Uniforum».
- ↑ «Redaktørplakaten er vedtatt innført». 14. februar 2005.
- ↑ «Om Uniforum».
- ↑ «Ønsker Uniforum som vedtakssak i Universitetsstyret». 15. juni 2011.
- ↑ «Papirutgaven av Uniforum legges ned». 30. mars 2011.
- ↑ «Fylg med over i nettutgåva til Uniforum!». 15. desember 2016.
- ↑ 8,0 8,1 «Fra styremøte i Uniforum: Vedtakssak 11/11» (PDF). 15. desember 2016.
- ↑ «Uniforum på papir igjen». 6. januar 2012.
- ↑ «Universitetsstyret valde middelveg for Uniforum». 18. august 2011.
- ↑ «Nettsatsing skal gjera Uniforum endå betre». 13. oktober 2016.