United States Antarctic Service Expedition
United States Antarctic Service Expedition (1939–1941), ofte omtalt som Den tredje Byrd-ekspedisjonen, var ein ekspedisjon finansiert av United States Navy, Utanriksdepartementet, Innanriksdepartmentet og Finansdepartementet i USA. Sjølv om staten finansierte ekspedisjonen, fekk han i tillegg støtte i form av donasjonar og gåver frå privatpersonar, selskap og institusjonar.
Kontreadmiral Richard Evelyn Byrd leia ekspedisjonen som hadde med i alt 125 mann frå USA fordelt på to skip. Dei fleste var militære, frå dei statlege byråa eller frå forskingsinstitusjonar. Totalt 59 mann overvintra i Antarktis.
Målet med ekspedisjonen var å opprette to basar: East Base i nærleiken av Charcot Island eller Alexander I Land, eller ved Marguerite Bay om ein ikkje fann noko eigna stad på øya, og West Base i nærleiken av King Edward VII Land, men om dette viste seg å verte umogeleg, ved Hvalbukta eller nær Little America. Ekspedisjonen klarte begge måla sine.
I tillegg vart det utført vitskaplege observasjonar av mange slag. Alt i alt var ekspedisjonen særs vellukka.
Kjelder
endre- Denne artikkelen bygger på «United States Antarctic Service Expedition» frå Wikipedia på engelsk, den 11. mars 2013.
- Wikipedia på engelsk oppgav desse kjeldene:
- Byrd, Richard E. (1935). Discovery, the Story of the Second Byrd Antarctic Expedition. G.P. Putnam's Sons.
- Bertrand, Kenneth J. (1971). Americans in Antarctica 1775-1948. New York: American Geographical Society.
- Siple, Dr. Paul (1959). 90° South — The Story Of The American South Pole Conquest. G. P. Putnam's Sons.
- Antarctica; the Extraordinary History of Man's Conquest of the Frozen Continent, second edition. Reader's Digest.
- Headland, Robert K. (1990). Chronological List of Antarctic Expeditions and Related Historical Events. Cambridge University Press. ISBN 0-521-30903-4.
- Passel, Charles F. (1995). Ice: The Antarctic Diary of Charles F. Passel. Lubbock: Texas Tech University Press. ISBN 978-0896723474.