Valerij Vasiljev
Valerij Ivanovitsj Vasiljev (3. august 1949–19. april 2012) var ein russisk ishockeyspelar frå Volkhov som deltok på Sovjetunionen sitt landslag i 13 år. Med Sovjetunionen vann forsvarsspelaren Vasiljev ni VM-gull og to OL-gull i tida 1970-82.
| Valerij Vasiljev | |
 | |
| Statsborgarskap | Russland, Sovjetunionen |
| Fødd | 3. august 1949 Volkhovo |
| Død | |
| Yrke | ishockeyspelar |
| Språk | russisk |
| Høgd | 181 centimeter |
| Valerij Vasiljev på Commons | |
Vasiljev spelte opphavleg på Torpedo Gorkij. I 1967 vart han overført til Dynamo Moskva og spelte for laget i den sovjetiske ishockeyserien fram til 1984. Sidan CSKA Moskva på den tida dominerte den innanlandske ishockeyen, vart han aldri seriemeister.
Frå Ishockey-VM 1970 deltok Vasiljev i nær samtlege meisterskaps-turneringar med det sovjetiske ishockeylandslaget i åra fram til 1982, delvis som lagkaptein. Både i 1973, 1977 og 1979 vart han kåra til den beste forsvarsspelaren i verdsmeisterskapen, og kom elles med på All Star Team i 1975 og 1981.
Merittar Endra
- Gullmedalje i VM: 1970, 1973, 1974, 1975, 1878, 1979, 1980, 1981 og 1982 med Sovjetunionen
- Gullmedalje i Vinter-OL: 1972 og 1976 med Sovjetunionen
- Sølvmedalje i VM: 1972 og 1976 med Sovjetunionen
- Sølvmedalje i Vinter-OL: 1980 med Sovjetunionen
- Bronsemedalje i VM: 1977 med Sovjetunionen
Kjelder Endra
- Denne artikkelen bygger på «Waleri Iwanowitsch Wassiljew» frå Wikipedia på tysk, den 24. april 2017.