Volkswagen New Beetle
Volkswagen New Beetle er ein bilmodell som kom på marknaden i 1998. Utsjånaden til bilen er sterkt inspirert av den opphavlege Volkswagen-«bobla».
_2.0_coupe_(2010-10-01)_01.jpg)
New Beetle har motoren framme og forhjulsdrift, og slektskapen til originalmodellen ligg berre i namnet og forma på karosseriet. Under karosseriet er han ein moderne bil på alle måtar, basert på Volkswagens A4-plattform, som òg vart nytta i fjerde generasjon av Volkswagen Golf. I direkte kontrast til originalen skulle New Beetle aldri vera den økonomiske, enkle, pålitelege transporten som forgjengaren var meint som.
På bilutstillinga i Detroit i 1994 presenterte Volkswagen «Concept 1», ein konseptbil med futuristisk styling, men samstundes inspirert av den runde forma til den originale Bobla. Sterke reaksjonar frå publikum overtydde VW om å setja bilen i produksjon, og i 1998, 20 år etter at den siste originale Bobla vart seld i USA, lanserte Volkswagen New Beetle, designa av J.Mays og Freeman Thomas, ved designstudioet til selskapet i California.
Kjelder
endre- Denne artikkelen bygger på «Volkswagen New Beetle» frå Wikipedia på bokmål, den 13. oktober 2018.
Denne artikkelen treng referansar for verifikasjon. |