Whakapapa skisenter
Whakapapa Ski Area, tidlegare kjend som Whakapapa skifield, er eit kommersielt skisenter på nordsida av Mount Ruapehu i Tongariro nasjonalpark på New Zealand. Det er eitt av tre skisenter på fjellet, dei andre er Turoa på sørvestsida og Tukino på austsida. Whakapapa er det største skiområdet på heile New Zealand, og huser den lengste gondolruta, Sky Waka.[1]
| Whakapapa skisenter | |||
| skisenter | |||
 | |||
| Land |  New Zealand
| ||
|---|---|---|---|
| Region | Manawatū-Whanganui | ||
 Whakapapa skisenter 39°14′14″S 175°33′25″E / 39.237359°S 175.556961°E | |||
| Wikimedia Commons: Whakapapa Ski Area | |||
Whakapapa Skifield dekkjer 550 hektar og har 30 bakkar.[2] Terrenget er delt opp i 30 % rekna som nybyrjarbakkar, 45 % for vidarekomne og 25 % for avanserte utøvarar.[1] Skisesongen varer vanlegvis frå seint i juni til seint i oktober, avhengig av snø- og vindfordhold. Turoa har ein litt lengre sesong og opner gjerne ei veke før Whakapapa og stenger tidleg i november. Begge er drivne av Ruapehu Alpine Lifts.
Whakapapa Village ligg rundt 6 km unna skiområdet.[3] Her finst det fleire overnattingsstader. Staden er prega av Chateau Tongariro, eit stort, prangande hotell bygd i 1929.[2]
Klima
endreIwikau, som ligg over 400 meter høgare enn Whakapapa Village, er kaldare året rundt, med ein årleg gjennomsnittstemperatur på 5,5 °C. Maksimumstemperaturar varierer mellom 16,6 °C i februar og 3,6 °C i juli. Minimumstemperaturar går frå 5,2 °C i februar til -3,1 °C i juli. Klimaet er klassifisert som Cfc etter Köppen si klimaklassifisering, eller maritimt subarktisk klima. Den tørraste månaden er februar, med 196 mm nedbør, og den våtaste er juli med 399 mm. Årleg har Iwikau 3733 mm nedbør.
| Vêrdata for Iwikau, 1626 m | |||||||||||||
|---|---|---|---|---|---|---|---|---|---|---|---|---|---|
| Jan | Feb | Mar | Apr | Mai | Jun | Jul | Aug | Sep | Okt | Nov | Des | År | |
| Gjennomsnittleg maks °C | 16,4 | 16,6 | 14,2 | 10,8 | 7,2 | 4,6 | 3,6 | 4,4 | 6,6 | 9,4 | 11,8 | 14,3 | 10 |
| Døgnmiddeltemperatur °C | 10,7 | 10,9 | 9,1 | 6,3 | 3,3 | 1,2 | 0,2 | 0,9 | 2,8 | 5 | 6,8 | 9 | 5,5 |
| Gjennomsnittleg min °C | 5,1 | 5,2 | 4,1 | 1,8 | −0,5 | −2,1 | −3,1 | −2,5 | −1 | 0,6 | 1,9 | 3,8 | 1,1 |
| Gjennomsnittleg regn mm | 236 | 196 | 283 | 281 | 353 | 383 | 399 | 383 | 362 | 302 | 265 | 290 | 3 733 |
| Kjelde: Climate-data.org[4] | |||||||||||||
Kjelder
endre- ↑ 1,0 1,1 «Mt Ruapehu - Whakapapa», www.mtruapehu.com (på engelsk), henta 25. januar 2021
- ↑ 2,0 2,1 «Whakapapa Village - Visit Ruapehu», www.visitruapehu.com (på engelsk), henta 25. januar 2021
- ↑ «Mt Ruapehu - Getting Here», www.mtruapehu.com (på engelsk), henta 25. januar 2021
- ↑ «Climate-data.org – Climate Data for Cities Worldwide». openstreetmap.org. Henta 9. mars 2020.
- Denne artikkelen bygger på «Whakapapa skifield» frå Wikipedia på engelsk, den 25. januar 2021.