Xavier Barachet

fransk fotballspelar

Xavier Barachet (fødd 19. november 1988) er ein fransk tidlegare handballspelar. Han er trefaldig verdsmeister, olympisk meister og europameister med Frankrike sitt sigerrike landslag. Barachet var høgre rykkromspelar.

Xavier Barachet


Statsborgarskap Frankrike
Fødd 19. november 1988 (35 år)
Nice
Idrett handball
Tok del i

Sommar-OL 2012

Utmerkingar

Ridder av Æreslegionen

Karriere

endre

Landslagsspel

endre

Barachet fekk sin fyrste av 84 landskampar i 2009. Dei neste åra var han med på triumf etter triumf med franske landslaget. Etter finalesiger i Handball-VM 2009 fylgde laget opp med å vinne europameisterskapen 2010, verdsmeisterskapen 2011 og Sommar-OL 2012. Etter eit par års medalje-turke, vann han i si siste internasjonale turnering, Handball-VM 2015, enno ein gullmedalje. Han skåra 162 mål for Frankrike.

Klubbspel

endre

Barachet spelte på det franske topplaget Chambéry frå 2006 til 2012. 2012/13-sesongen var han aktiv for det spanske toppserielaget Atlético Madrid, som han vann cupen med. Etter at Atlético Madrid gjekk konkurs sommaren 2013, var han den neste sesongen Saint-Raphaël-spelar. Deretter gjorde han frå 2014 teneste i Paris Saint-Germain. Ein alvorleg skade og deretter lite speletid førte til at han i januar 2017 flytta tilbake til Saint-Raphaël. Barachet la opp i 2022.

Merittar

endre
  • OL-gull: 2012 med Frankrike
  • VM gull: 2009, 2011, 2015 med Frankrike
  • EM-gull: 2010 med Frankrike
  • Fransk seriemeister: 2015, 2016, 2017 for PSG
  • Fransk cupmeister: 2015 for PSG
  • Spansk cupmeister: 2013 for Atlético Madrid

Kjelder

endre