Bojan Križaj
Bojan Križaj (fødd 3. januar 1957) er ein slovensk tidlegare skirennar frå Kranj som representerte Jugoslavia. Han fekk sølvmedaljen i slalåm i alpin-VM 1982 og vann FIS-pokalen som beste slalåmrennar i 1987-sesongen. Križaj vann åtte renn i verdscupen i tida 1980-87.
| Bojan Križaj | |
|
| |
| Statsborgarskap | Slovenia, Den sosialistiske føderale republikken Jugoslavia |
| Fødd | 3. januar 1957 (67 år) Kranj |
| Idrett | alpint |
| Tok del i | |
| Utmerkingar |
Bloudek-prisen, Bloudek badge, Slovenian Athletes Hall of Fame, Årets idrettsutøver i Slovenia |
Aktiv endre
Križaj VM-debuterte i 1974 og vart nummer 13 i slalåm. I desember 1977 fekk han si fyrste pallplassering i verdscupen i alpine greiner, med tredjeplass i slalåmrennet i Madonna di Campiglio.
Frå 1979-sesongen høyrde han med i verdseliten i både slalåm og storslalåm. Men han måtte vente til Lauberhornrenna i Wengen den 20. januar 1980 før han makta å tukte sin sterkaste konkurrent, svenske Ingemar Stenmark, som då vart slått med 17 hundredels sekund i slalåmtevlinga. Det var fyrste gongen ein utøvar frå Jugoslavia sigra i eit renn i verdscupen i alpine greiner.
Under Vinter-OL 1980 i Lake Placid enda Križaj på fjerdeplassen i storslalåm, to hundredels sekund bakom bronsemedaljøren, austerrikaren Hans Enn. To år seinare tok han sølvmedaljen i slalåmrennet under VM i alpine greiner 1982 i Schladming, atter ein gong bakom Ingemar Stenmark. I storslalåm vart Križaj nummer sju. Under dei olympiske leikane 1984 i Sarajevo måtte han nøye seg med ein niandeplass i storslalåm.
I 1987-sesongen deltok Križaj berre i slalåm i verdscupen. I sju av dei ni slalåmrenna var han mellom dei fire beste, og med fem pallplassar, av dei to sigrar, vann han slalåmcupen i verdscupen i alpine greier 1987, alle dei andre greinene for menn vart vunne av sveitsaren Pirmin Zurbriggen.
Frå 1980 til 1987 vann Križaj åtte renn i verdscupen, alle i slalåm. Då han la opp i 1988 hadde han 33 gongar stått på pallen etter verdscuprenn.
Kjelder endre
- Sportsboken, aktuelle årgangar
- Denne artikkelen bygger på «Bojan Križaj» frå Wikipedia på tysk, den 15. desember 2014.
Bakgrunnsstoff endre
- «Bojan Križaj» (på engelsk). Olympedia.