Katarina Barley
Katarina Barley (fødd 19. november 1968 i Köln) er ein tysk jurist og politikar for SPD, frå 2019 medlem av Europaparlamentet. Barley var justisminister i Tyskland frå 2018 til 2019, og tidlegare frå 2017 til 2018 tysk familieminister.[1] Ein kort periode fungerte ho som arbeids- og sosialminister. Barley blei medlem av Forbundsdagen ved valet i 2013. Ho var generalsekretær i SPD frå 2015 til 2017.[2] Ho blei fødd som britisk statsborgar og blei tysk statsborgar seinare.[3][4]
| Katarina Barley | |
 | |
| Statsborgarskap | Tyskland, Storbritannia |
| Fødd | 19. november 1968 (55 år) Köln |
| Yrke | politikar, jurist, justitiarius, dommar |
| Språk | tysk |
| Høgd | 172 centimeter |
| Tittel | Generalsekretær i SPD |
| Periode | 11. desember 2015–2. juni 2017 |
| Føregangar | Yasmin Fahimi |
| Etterfylgjar | Hubertus Heil |
| Tittel | Familieminister i Tyskland |
| Periode | 2. juni 2017–14. mars 2018 |
| Føregangar | Manuela Schwesig |
| Etterfylgjar | Franziska Giffey |
| Tittel | Arbeids- og sosialminister i Tyskland |
| Føregangar | Andrea Nahles |
| Etterfylgjar | Hubertus Heil |
| Tittel | Justisminister i Tyskland |
| Periode | 14. mars 2018–27. juni 2019 |
| Føregangar | Heiko Maas |
| Etterfylgjar | Christine Lambrecht |
| Politisk parti | Sozialdemokratische Partei Deutschlands |
| Medlem av | Ausschuss für Wahlprüfung, Immunität und Geschäftsordnung, Ausschuss für die Angelegenheiten der Europäischen Union, Ältestenrat, Wahlausschuss, Europa-Unionen i Tysklands gruppe av forbundsdagsmedlemmer, ZDF-Fernsehrat, Parlamentarische Linke |
| Ektefelle | Marco van den Berg |
| |
| Nettstad | https://katarina-barley.de |
| Katarina Barley på Commons | |
Liv og virke endre
Bakgrunn endre
Katarina Barley er dotter av ein engelsk journalist i Deutsche Welle, og ein tysk lege. Etternamnet har ho frå faren sin, som er frå Lincolnshire i England. Ho blei fødd som britisk statsborgar, og fekk fyrst tysk statsborgarskap seinare i livet, slik at ho har dobbelt statsborgarskap.[5][6][7]
Barley var tidlegare gift med advokaten Antonio, som i likskap med ho sjølv er statsborgar i to europeiske land, Spania og Nederland. Dei møtte kvarandre då dei begge studerte i Paris, og har to barn saman.[2] Ho har nemnd at borna hennar har fire besteforeldre frå fire forskjellige europeiske land.[5]
Yrkeskarriere endre
Barley studerte juss ved Philipps-Universität Marburg og Université Paris-Sud. Hun tok diplom i fransk rett (Diplôme de Droit Français) i Paris i 1990, tysk juridisk embetseksamen i 1993 og juridisk doktorgrad ved Westfälische Wilhelms-Universität Münster i 1998.[2]
Ho arbeidde fyrst som forretningsadvokat i advokatfirmaet Wessing & Berenberg-Gossler i Hamburg (no Taylor Wessing etter fusjonen med eit britisk advokatfirma) fram til 1999. Deretter var ho vitskapleg tilsett ved landdagen i Rheinland-Pfalz og vitskapleg tilsett ved Bundesverfassungsgericht. Frå 2005 til 2006 var Barley tysk utsending til Maison de la Grande Région/Haus der Großregion i Luxembourg, eit regionalt samarbeidsforum for Luxembourg og tilgrensande tyske, franske og belgiske regionar. Frå 2007 til 2008 arbeidde ho som dommar og frå 2008 til 2013 var ho tilsett som rådgjevar i Justis- og forbrukardepartementet i delstaten Rheinland-Pfalz.
Politiske verv endre
Katarina Barley har vore engasjert i lokal- og delstatspolitikk sidan 1994 og blei vald som medlem av Forbundsdagen i 2013.[2][8] Ho blei utnemnd som familieminister i den føderale regjeringa 2. juni 2017, då føregangaren hennar Manuela Schwesig gjekk av for å bli ministerpresident i Mecklenburg-Vorpommern.[9] Frå 14. mars 2018 til 27. juni 2019 var Barley justisminister i Tyskland. Ho gjekk av som justisminister då ho i 2019 blei vald som medlem av Europaparlamentet, og sa dimed også fra seg medlemskapen i Forbundsdagen.[10]
Kjelder endre
- ↑ «Katarina Barley». www.bundesregierung.de. Arkivert frå originalen 7. februar 2019. Henta 12. mars 2019.
- ↑ 2,0 2,1 2,2 2,3 «Barley, Katarina». Deutscher Bundestag (på tysk). Arkivert frå originalen 22. juni 2017. Henta 30. mai 2017.
- ↑ Quoos, Jochen Gaugele, Christian Kerl und Jörg (25. juni 2016). «SPD-Generalsekretärin Katarina Barley: „Jetzt ist nichts mehr wie vorher“». www.morgenpost.de (på tysk). Henta 17. april 2022.
- ↑ «Germany disappointed by May's Brexit plan, suggests second referendum». Reuters (på engelsk). 22. januar 2019. Henta 17. april 2022.
- ↑ 5,0 5,1 Europa ist unsere Zukunft, The European
- ↑ Ravensburg, Munzinger-Archiv GmbH,. «Katarina Barley - Munzinger Biographie». www.munzinger.de (på tysk). Henta 30. mai 2017.
- ↑ Quoos, Jochen Gaugele, Christian Kerl und Jörg. «SPD-Generalsekretärin Katarina Barley: „Jetzt ist nichts mehr wie vorher“» (på tysk). Henta 2. juni 2017.
- ↑ «Übersicht». web.archive.org. 23. september 2015. Arkivert frå originalen 23. september 2015. Henta 11. juli 2019.
- ↑ NDR. «Schwesig will auf Ministerpräsident Sellering folgen». www.ndr.de (på tysk). Henta 2. juni 2017.
- ↑ «Deutscher Bundestag - Dr. Katarina Barley». Deutscher Bundestag (på tysk). Henta 11. juli 2019.
- Denne artikkelen bygger på «Katarina Barley» frå Wikipedia på bokmål, den 19. mars 2024.