Thor Listau
Thor Listau (3. juni 1938–22. mars 2014) var ein norsk Høgre-politikar frå Svolvær. Tida 1981-85 var han fiskeriminister i Regjeringa Willoch.
| Thor Listau | |||
| Fødd | 3. juni 1938 Svolvær | ||
|---|---|---|---|
| Død | 22. mars 2014 (75 år) | ||
| Statsborgar av | Noreg | ||
| Parti | Høgre | ||
| Yrke | politikar, offiser, handelsskulekandidat | ||
| Alle verv |
| ||
Listau var fødd i Svolvær i Nordland, der faren dreiv med produksjon av fiskemat. Sjølv gjekk han Hærens yrkesskule for sambandsteknisk befal 1954–58. Frå 1958 var han tilsett i Forsvaret, sidan 1961 busett i Kirkenes.
Listau hadde tillitsverv i Høgre frå 1965, og var medlem av Sør-Varanger kommunestyre 1968–73. I tre valperiodar frå 1973 til 1985 var han stortingsrepresentant for Høgre i Finnmark. På Stortinget kom han inn i Sjøfarts- og fiskerkomiteen, og var medlem av denne til han i oktober 1981 vart fiskeriminister i den nye regjeringa leia av Kåre Willoch. Han gjekk av som fikeriminister hausten 1985.
Sidan var Listau kontorsjef i Statens kornforretning og leiar for Råvarepriskontoret for landbruksvarer 1986–91, direktør i Statkorn 1991–95 og styreformann i same 1995–96. Til sist var han organisasjonsdirektør i Statkorn Holding AS/Cermaq ASA 1995–2005.