Åsulv Edland

Åsulv Edland (fødd 27. juni 1944 i Vinje) er ein norsk journalist. Han vart tilsett i NRK i 1970, og har arbeidd i opplysningsavdelinga i radioen og kortare periodar på distriktskontora til NRK i Bodø, Trondheim, Kristiansand og Vadsø. Frå 1976 har han vore tilsett i Dagsrevyen i NRK. Der har han arbeidd som reportar, programleiar i Dagsrevyen og vaktsjef i Dagsrvyen. Frå 1994 har han vore redaktør for Nordisk nyhetsutveklsing, ERNN.

Åsulv Edland
Statsborgarskap	Noreg
Fødd	27. juli 1944 (80 år) Vinje kommune
Yrke	journalist, programleiar, radioprogramleiar, faglitterær forfattar, pedagog

Edland har eksamen frå Kristiansand Lærerskole i 1966, og han har teke eksamen i historie grunnfag og norsk mellomfag ved Universitetet i Trondheim. Edland har vore lærar på Bømlo 1966/67 og ved Orkdal gymnas i 1970. Åsulv Edland har gitt ut bøkene Haukelivegen - vegen vestover, Luftslottet og han var redaktør for boka EU og norsk landbruk. Han var også medforfattar i boka Det kommunale hamskiftet. Han var i 11 år leiar for laget Vener av Det norske teatret.