Østen Olsson Ovren
(Omdirigert frå Østen Olsen Ovren)
Østen Olsson Ovren (7. januar 1780–18. oktober 1843) var ein norsk gardbrukar og politikar frå Gausdal i Oppland.
| Østen Olsson Ovren | |
| Statsborgarskap | Noreg |
| Fødd | 7. januar 1780 Gausdal kommune |
| Død |
18. oktober 1843 (63 år) |
| Yrke | bonde, politikar |
| Språk | norsk |
Han var fødd på garden Ovren i Østre Gausdal, der faren var gardbrukar. I 1802 overtok han farsgarden og dreiv denne sidan. Han var i mange år med i forlikskommisjonen, og var i 1838-39 den fyrste ordføraren i kommunen.
Ovren representerte Christians amt (Oppland) på Stortinget i 1815-16, 1821, 1822 og 1833. I 1815-16 var han medlem av tre komitear, mellom dei om land-, skog- og bergvesen, samt kongetiend i Østerdalen. Også medlem av tre komitear i 1821, om fengselslova og om glasverk. I 1833 var han medlem av Lagtinget og næringskomiteen.
Han døydde på garden sin i 1843.
Kjelder
endre- Lindstøl, Tallak:Stortinget og Statsraadet 1814-1914. Kristiania, 1914
- Biografisk informasjon om Østen Olsson Ovren NSD Norsk senter for forskningsdatas politikararkiv