Akrotíri på Kreta

Akrotíri Lokalt namn Ακρωτήρι
Geografi
Akrotíri på Kreta (Hellas)
Stad	Kreta
Koordinatar	35°33′N 24°09′E
Administrasjon
Land	Hellas
Periferi Periferieining Kommune	Kreta Khaniá Kíssamos
Hovudsete	Pythári (1 850 innb.)
Demografi
Folketal	14 111 (2021)

Akrotíri (gresk Ακρωτήρι) er ei halvøy og ein tidlegare kommune på Kreta, aust i periferieininga Khaniá. Det antikke namnet var Kiamon, medan ho under Austromarriket vart kalla Kharaka.

Akrotíri ligg på nordsida av øya. Ho er nesten sirkelforma og er forbunde til resten av øya mellom byane Khaniá og Soúda. Sør for halvøya ligg Soúdabukta. Det meste av halvøya ligg på eit platå over sjøen. Langs nordkysten ligg ei rekkje med åsar. Det ligg fleire feriestader langs Akrotíri, som Stavrós, Kalathás og Maráthi.

Akrotíri var tidlegare ein eigen kommune i periferieininga Khaniá, men inngår frå 2011 som ei kommunaleining i kommunen Khaniá.

Gravene til Eleftherios Venizelos og son hans Sofoklis ligg på Akrotiri. Her vart det greske flagget reist for å utfordre tyrkarane og stormaktene, og halvøya vart eit hovudkvarter for den kretiske revolusjonen.

Tre kloster ligg i åsane i nord. Ajía Triáda vart grunnlagd av to venetianske munkar som hadde vorte ein del av den ortodokse kyrkja på 1600-talet. Eit anna kloster, Katholikó, i dag forlate, vart grunnlagt på 400- eller 500-talet.

Kjelder

• Denne artikkelen bygger på «Akrotiri (Crete)» frå Wikipedia på engelsk, den 27. august 2007.

Bakgrunnsstoff

Commons har multimedium som gjeld: Akrotíri på Kreta

• Reiseguide for Akrotíri
• Bilete av Akrotíri Stavrós