Alexander Møller
Alexander Christian Møller (24. april 1762–28. desember 1847) var ein norsk lege og eidsvollsmann.
| Alexander Møller | |
.jpg) | |
| Statsborgarskap | Noreg |
| Fødd | 24. april 1762 Christiania |
| Død |
28. desember 1847 (85 år) |
| Yrke | politikar, lege |
| Språk | norsk |
| Alexander Møller på Commons | |
Møller var fødd i Kristiania, der faren hans var salmakar. Ti år gammal byrja han som elev ved Maschmann-apoteket i fødebyen. Sidan var han eitt år på apotek i Helsingør og tre år på Svaneapoteket i København. Under opphaldet i København studerte han samstundes medisin, var dagleg innom 'Frederiks hospital'. I fleire år var han amanuensis hos professor Tode, livmedikus Aaskow, og hoffmedikus Gulbrand. Frå 1788 var han amanuensis hos professor Collisen og attåt reservekirkurg på Holmen.
I 1792 tok Møller kirurgeksamen i København. Same året slo han seg ned som privatlege i Arendal. Frå 1796 var han distriktskirurg i 'Nedenes len' og Råbyggelaget. Embetet vart delt i 1803, då heldt han åleine fram i Nedenes len. Ei til nydeling fann stad i 1825, han arbeidde deretter i distriktet Vestre Nedenes. Han tok avskjed med full pensjon i 1835, men heldt fram å praktisere til 1843.
Møller var utsending for Arendal til riksforsamlinga i 1814. Også på det overordentlege storting 1814 var han representant for byen. I perioden 1814-42 var han stendig valmann, og tok ofte del i samfunnsnyttige aktivitetar og gav pengemidlar og gåver til tiltak som kom både byen og nasjonen til gode. Mellom anna ei større pengegåve til universitetet i Kristiania i 1811, og kr. 32000 til eit asyl i Barbu. Ivra for opplysning og naturvitskap, hadde ei stor mineralsamling. I 1832 var han ein av stiftarane av Arendals Museum.
Han døydde i Barbu i 1847.
Kjelder
endre- Tallak Lindstøl: Stortinget og Statsraadet 1814-1914. Kristiania, 1914
Bakgrunnsstoff
endre- Biografisk informasjon om Alexander Møller NSD Norsk senter for forskningsdatas politikararkiv