Amal Aden
Amal Aden (f. 1983 ) er pseudonymet til ein kvinneleg norsk-somalisk forfattar, føredragshaldar og samfunnsdebattant. Ho har vore fast spaltist i Dag og Tid sidan 2013.
| Amal Aden | |
 | |
| Statsborgarskap | Noreg |
| Fødd | 1983 (41 år) Somalia |
| Yrke | skribent |
| Religion | Islam |
| Amal Aden på Commons | |
Bakgrunn
endreAmal Aden er fødd i Somalia. I ei av bøkene sine fortel ho om oppveksten sin i heimlandet, der ho levde som gatebarn. Ho kom til Noreg i 1996 som flyktning, men opplevde at norske instansar som barnevernet ikkje makta å hjelpa henne. Etter ei stund hamna ho i rusmiljøet i Oslo og har også levd på gata i byen.[1]
I 2008 debuterte Amal Aden som forfattar med Se oss - bekymringsmelding fra en norsksomalisk kvinne. Ho har seinare skrive mykje om korleis det er å leva som innvandrar i Noreg, om integrering, likestilling og rettane til homofile, særleg homofile innvandrarar.
Forfattaren er sjølv open om at ho er lesbisk og har måtta tola å bli trua for meiningane sine. Etter at ho deltok på homoparaden i Oslo, vakna ho til 146 drapstruslar på telefonsvararen ifølgje henne sjølv.[2]
Bøker
endre- 2008: Se oss - bekymringsmelding fra en norsksomalisk kvinne
- 2009: ABC i integrering. 111 gode råd om hvordan alle kan bli fullverdige borgere av det norske samfunnet
- 2009: Min drøm om frihet
- 2011: Det skal merkes at de gråter – Om likestilling blant somaliere i Norge
- 2012: Om håpet glipper er alt tapt. Homofile flyktninger.
Prisar og utmerkingar
endre- 2010: Zola-prisen
- 2010: Buskerud fylkeskommunes likestillingspris
- 2011: Sentralstyret i YS sin likestillingspris
- 2012: Lesbetoppen av Gaysir
- 2012: Amnesty-prisen
Kjelder
endre«Amal_Aden» i Store norske leksikon, snl.no.
Fotnotar
endre- ↑ «Amal Aden», Amal Aden, henta 18. november 2018
- ↑ Aftenposten.no, 08.11.13: Jeg ble slått ned av somaliske kvinner. Forfattar: Olga Stokke og Hanne Brønmo. Vitja 08.03.14