Anders Lysgaard
Anders Lysgaard (1756–24. mai 1827) var ein norsk gardbrukar, lensmann, eidsvollsmann og stortingsmann frå Øyer.
| Anders Lysgaard | |
 Silhuett av Anders Eriksen Lysgaard frå Biri bygdebok | |
| Fødd | 1756 Tretten |
| Død | |
| Yrke | bonde, politikar |
| Anders Lysgaard på Commons | |
Lysgaard var fødd på garden Jevne i Øyer, far hans var lensmann. Han gifta seg til storgarden Svennes i Biri, og var gardbrukar der frå 1785. Noko etter vart han lensmann i bygda, og, som det heiter i folketeljinga frå 1801, «fuldmægtig i tømmerhandelen hos cammerherre anker» [1].
I 1814 var Lysgaard utsending til riksforsamlinga på Eidsvoll for Kristians amt. Til handsaming i forsamlinga leverte han 5. april 1814, ei veke før forhandlingane tok til, eit forslag «angaaende adskillig konstitutionen og lovgivningen m. m. vedkommende». Her kom han med framlegg i sosiale og økonomiske spørsmål som var mykje for radikale for riksforsamlinga. 17. mai 1814 var han med i deputasjonen som møtte Kristian Fredrik, var òg medlem av den permante vernepliktslovkomiteen. Han høyrde til sjølvstendepartiet.[2]
Lysgaard var representant på det overordentlege storting i 1814. Han var også vald til 1815-16-stortinget, men melde sjukdomsforfall.
Han døydde på garden sin i Biri, og både han og kona vart gravlagde i eit privat likkapell på garden. I 1895 fekk den dåverande eigaren av garden, gjennom kongeleg resolusjon, høve til å slette kapellet. Lika vart då ført til kyrkjegarden i Biri.
KjelderEndra
- ↑ digitalarkivet.no, arkivert frå originalen 2016-03-05, henta 2. juni 2010
- ↑ «Anders Lysgaard». Eidsvoll 1814. Henta 5. mars 2017.
- Tallak Lindstøl: Stortinget og Statsraadet 1814-1914. Kristiania, 1914
- Biografisk informasjon om Anders Lysgaard NSD Norsk senter for forskningsdatas politikararkiv