Andrea Maria Schenkel

Andrea Maria Schenkel (fødd 21. mars 1962) er ein tysk forfattar frå Regensburg.

Andrea Maria Schenkel
Statsborgarskap	Tyskland
Fødd	21. mars 1962 (62 år) Regensburg
Yrke	skribent
Språk	tysk
Andrea Maria Schenkel på Commons

Schenkel debuterte i 2006 med kriminalromanen Tannöd (omsett til norsk som Mordgården, 2007), som bygde på ei uoppklara mordsak frå Hinterkaifeck. I januar 2008 hadde romanen selt i over 550 000 eksemplar, og blei løna med Deutscher Krimi Preis, Friedrich Glauser-Preis og The Martin Beck Award. Som lydbok blei han tildelt Corine-Weltbild-Leserpreis. Også den andre romanen til Schenkel, Kalteis (2007), fekk Deutscher Krimi Preis.

I samband med utgjevinga av Tannöd blei Schenkel skulda for plagiat av journalisten Peter Leuschner. Han gjekk til erstatningssøksmål på grunnlag av påstått likskapar med to dokumentarbøker han hadde skrive om Hinterkaifeck-morda, Hinterkaifeck. Deutschlands geheimnisvollster Mordfall (1978) og Der Mordfall Hinterkaifeck (1997). Saka blei avgjort til fordel for Schenkel i Münchner Landgerichts 20. februar 2008.

Bibliografi

• Tannöd (2006)
• Kalteis (2007)
• Bunker (2009)

Omsetjingar til norsk

Norsk tittel	Utgitt	Omsetjar	Originaltittel	Utgitt
Drapsgården	2007	Kari Bolstad	Tannöd	2006

Prisar og utmerkingar

• Deutscher Krimi Preis 2007, for Tannöd
• Friedrich-Glauser-Preis for beste debutroman 2007, for Tannöd
• Corine 2007, for Tannöd
• Deutscher Krimi Preis 2008, for Kalteis
• The Martin Beck Award 2008, for Mordbyn (Tannöd)

Kjelder

• Denne artikkelen bygger på «Andrea Maria Schenkel» frå Wikipedia på bokmål, den 25. juli 2023.