Angst in My Pants

Angst In My Pants Studioalbum av Sparks
Språk	engelsk
Utgjeve	29. mars 1982
Studio	Musicland (München)
Sjanger	Rock power pop synth-pop
Lengd	35:31
Selskap	Atlantic
Produsent	Mack
Sparks-kronologi
Whomp That Sucker (1981)	Angst In My Pants	In Outer Space (1983)
Singlar frå Angst in My Pants
«I Predict» med «Moustache» Utgjeve: April 1982

Angst in My Pants er det ellevte studioalbumet til det amerikanske rockebandet Sparks. Albumet vart gjeve ut av Atlantic Records i både USA og Storbritannia.

Meldingar
Karakter
Kjelde	Karakter
Allmusic

Historie

Angst in My Pants markerte det andre albumet som klaverspelaren Ron Mael og songaren Russell Mael arbeidde med gitaristen Bob Haag, bassisten Leslie Bohem og trommeslagaren David Kendrick. James Goodwin vart i tillegg med besetninga på ekstra synthesizer, men desse var miksa langt lengre bak, medan resten av bandet kom tydelegare fram. Resultatet vart eit power pop-album som vart spelt inn i Musicland Studios i München, produsert av Mack tilknytt Giorgio Moroder Enterprises. Innspelinga av albumet var den andre og siste gangen Sparks arbeidde med Mack.

I eit intervju i 1990 med Trouser Press diskuterte bandet korleis tittelsporet kom til basert på ein kort song etter at resten av albumet var spelt inn. I følgje Russell Mael: «Me hadde ein annan song kalla «Angst in My Pants» med ein heilt annan melodi. Han skulle vere med på albumet, men me likte han eigentleg ikkje så mykje. Me trengde ein song til for albumet. Me var vanlegvis godt førebudde før me gjekk i studio, men likevel mangla me ein song. Me var ferdige med innspelinga av alle dei andre songane. Ein dag på hotellet i München kom Ron opp med melodien og sette den gamle tittelen på den nye songen. Mack likte songen særs godt og me spelte han inn.»

Utgjeving

Angst in My Pants vart ikkje ein suksess i Storbritannia, men gjorde det betre enn det føregåande albumet deira, Whomp That Sucker, i USA. Det nådde 173. plassen på Billboard 200.

Singelen «I Predict» vart den første Sparks-singelen som gjekk inn på Billboard Hot 100, då han nådde 60. plassen i mai 1982. Dette var første gongen sidan utgjevinga av «Wonder Girl» i 1971 at Sparks hadde fått moderat suksess på den amerikanske singellista. Ein utvida remiks av «I Predict» vart gjeven ut som ein klubb-promo medan 7"-singelen kom ut med albumsporet «Moustache» som B-side. Musikkvideoen for «I Predict» vart regissert av Douglas Brian Martin med kinematografi av Frederick Elmes.

«Angst In My Pants» og «Eaten by the Monster of Love» vart begge nytta i filmen Valley Girl, ein romantisk kommedie som kom ut i 1983. «Eaten by the Monster of Love» vart òg nytta i 2009 i skrekkfilmen Cabin Fever 2. Han vart òg nytta i sjette sesongen av Gilmore Girls.

Bandet framførte «Mickey Mouse» og «I Predict» som musikalske gjester den 15. mai 1982 på Saturday Night Live, med Danny DeVito som vert. Før «Mickey Mouse» skildra Ron Mael, heilt alvorleg, ei vanleg mus og kva mus vanlegvis gjer (inkludert «skremme kvinner» og «ete store mengder sukker for laboratorie-eksperiment»).

Innhald

Alle songar er skrivne av Ron Mael og Russell Mael.

Side ein

Nr.	Tittel	Lengd
1.	«Angst in My Pants»	3:25
2.	«I Predict»	2:50
3.	«Sextown U.S.A.»	2:56
4.	«Sherlock Holmes»	3:34
5.	«Nicotina»	3:26
6.	«Mickey Mouse»	3:16

Side to

Nr.	Tittel	Lengd
7.	«Moustache»	3:28
8.	«Instant Weight Loss»	3:27
9.	«Tarzan and Jane»	3:18
10.	«The Decline and Fall of Me»	2:53
11.	«Eaten by the Monster of Love»	2:58

Bonusspor på Imperial Records-utgåva (Japan - 2009)

Nr.	Tittel	Lengd
12.	«Angst in My Pants» (Radio Promo Ad)	1:03
13.	«Kidnap» (Demo)	3:11
14.	«A Trying Day» (Demo)	3:21
15.	«Dancing Is Dangerous (I Ought to Know)» (Demo)	3:27

Bonusspor på Repertoire Records-utgåva (2013)

Nr.	Tittel	Lengd
12.	«Modesty Plays» (kort versjon)	3:07
13.	«I Predict» (Club Mix)	6:19
14.	«Modesty Plays» (lengre versjon)	5:16

Medverkande

• Russell Mael - vokal
• Ron Mael - klaverinstrument, synthesizer, konsept for plateomslaget
• Leslie Bohem - bassgitar, ekstra korvokal
• Bob Haag - gitar, ekstra korvokal
• David Kendrick - trommer
• James Goodwin - synthesizer
• Mack - produsent, lydteknikar, synthesizerprogrammering

Kjelder

• Denne artikkelen bygger på «Angst in My Pants» frå Wikipedia på engelsk, den 26. april 2022.
  • Wikipedia på engelsk oppgav desse kjeldene: