Arne Johan Gjermundsen
Arne Johan Gjermundsen (18. mars 1941–21. august 2013)[1] var ein norsk forfattar, redaktør, lingvist og NRK-journalist frå Nome i Telemark.
| Arne Johan Gjermundsen | |
| Statsborgarskap | Noreg |
| Fødd | 18. mars 1941 |
| Død |
21. august 2013 (72 år) |
| Yrke | skribent |
I 1970 var Arne Johan Gjermundsen ein stor pådrivar for oppstarten av Nome Blad som vart starta opp like etter at Ulefoss Avis gjekk inn. Noko seinare vart han redaktør for regionsavisa Telemarkingen og blei i avisa i ei årrekkje før han gjekk av på midten av åttitalet. Avisa gjekk konkurs kort tid etter.
Gjennom arbeidet i Telemarkingen fekk Gjermundsen kontakt med NRK, der han starta som lokalkorrespondent for Telemark. I 1985 vart han tilsett i Utlandssendinga før han blei nattredaktør i Dagsnytt, ei stilling han heldt i 15 år. Han blei ein kjend nyheitsopplesar gjennom dette arbeidet.
I 2006 gav Gjermundsen ut det store verket Hollamålet i Nedre Telemark på Norgesforlaget.[2] Han skreiv mykje om både dialekta og lokalhistoria i Nome og var m.a. aktivt med i Holla historielag. For dette arbeidet vart han tildelt Nome kommunes kulturpris i 2008.[3]
Kjelder
endreFotnotar
endre- ↑ Dødsannonse i Aftenposten (PDF), arkivert frå originalen (PDF) 16. april 2014, henta 16. april 2014
- ↑ Skiens Antikvariat: Hollamålet i Nedre Telemark, arkivert frå originalen 16. april 2014, henta 16. april 2014
- ↑ Telemarksavisa, 24.08.13, Johansen, Per Boseth: Døde denne uken. Vitja 16.04.14