Asterisme

For «asterisme» i typografi, sjå teiknet asterisme.

Asterisme er ein lyseffekt i form av eit stjerneforma skimmer som ein kan sjå i einskilde mineral når lys blir reflektert, som i stjernesafir eller stjernekvarts, eller ved gjennomfallande lys, som i glimmer. Dette kjem av at desse minerala inneheld mikroskopiske, nålforma partiklar eller holrom orientert etter krystallografiske retningar. Ei form for asterisme oppstår òg når røntgenstrålar går gjennom krystall som er deformerte. Effekten kan utnyttast for å oppdage indre spenningar og svake stader i støypegods.

Asterisme på overflata av ein blå stjernesafir. Dette er den 182 karat (36,4 g) store Bombaystjerna, som finst i National Museum of Natural History, Washington D.C.

Kjelder

• «Asterisme» (14. februar 2009). I Store norske leksikon. Henta 13. februar 2014.