BBC Micro
BBC Microcomputer System eller BBC Micro, er ein heimedatamaskin som vart produsert av Acorn Computers Ltd for den britiske radio- og fjernsyn-kringkastaren BBC.
| BBC Micro | |||
 | |||
 | |||
| Produsent | Acorn Computers | ||
|---|---|---|---|
| Type | serie | ||
| Prosessor | MOS Technology 6502 | ||
| Utviklar | Acorn Computers | ||
| Lansert | 1. desember 1981 | ||
| Utfasa | 1994 | ||
| Operativsystem (OS) | Acorn MOS | ||
| Forgjengar | Acorn Atom | ||
| Etterfølgjar | BBC Master | ||
Tidleg på 1980 talet starta BBC eit prosjekt kalla "BBC Computer Literacy Project" som ei respons til ITV dokumentaren "The Mighty Micro" som spådde ei komande mikrodata revolusjon og verknaden den kom til å ha på økonomien, industrien og levestilen til britane.
BBC ville ha ei datamaskin som kunne utføre oppgåver som programmering, grafikk,lyd og musikk og diverse anna. Dermed gjekk ein ut til diverse britiske dataføretak, som Sinclair Research, Dragon Data og til sist Acorn Computers som alt jobba med ein ettertakar til Atom modellen deira, kjend som Proton. Prototypen som Acorn så viste fram til BBC var den einaste som nådde spesifikasjonane som BBC hadde sett. Dermed vart maskina lansert i 1981 som BBC Micro, og vart ei populær datamaskin i Storbritannia.
I 1986 kom Acorn med etterfølgjaren BBC Master.