Bente Nordby

norsk fotballspelar

Bente Nordby (fødd 23. juli 1974) er ein norsk tidlegare fotballspelar frå Raufoss som vart olympisk meister med Noreg i 2000. Målvakta vann elles OL-bronse i 1996 og EM-sølv i 2005. Nordby var gjennom fleire sesongar ei av dei aller beste kvinnelege målvaktene i verda og spelte 172 landskampar i tida 1991-2007.

Bente Nordby
Statsborgarskap Noreg
Fødd 23. juli 1974 (49 år)
Noreg
Idrett fotball
Tok del i

Sommar-OL 2000, Sommar-OL 1996, VM i fotball for kvinner 2007

Nordby spelte på Raufoss/Vind til 1992, då ho melde overgang til topplaget Sprint/Jeløy (seinare Athene Moss). Etter Sommar-OL 2000 fekk ho kontrakt med Carolina Courage, men vart snøgt overført til San Diego Spirit, begge laga i USA. Frå 2002 til -04 var Nordby Kolbotn-spelar. Deretter vakta ho målet til Asker SK i ein sesong og vann NM-finalen 2005 med klubben, før ho i 2006-07 gjorde teneste i svenske Djurgården/Älvsjö. Ho avslutta si aktive karriere med 18 månader i Olympique Lyon i 2008-09.

Nordby landslagsdebuterte 17 år gammal i 1991. Frå 1991 til 2007 var ho med i alle dei fem fyrste verdsmeisterskapane i kvinnefotball. Etter 1994 var fyrsteval som målvakt på Noregs lag i 13 år. Ho var med i heile ti meisterskapsturneringar og vann VM-gull 1995, OL-bronse 1996, OL-gull 2000 og EM-sølv 2005. I 2001 enda ho og Noreg på 3./4. plassen i fotball-EM.

Merittar endre

  • Olympisk meister: 2000
  • Verdsmeister: 1995
  • OL-bronse: 1996
  • Seriemeister: 1993 med Sprint/Jeløy og 2002 med Kolbotn IL
  • Noregsmeister: 2005 Asker SK
  • Fransk seriemeister: 2008 med Olympique Lyon
  • Fransk cupmeister: 2008 med Olympique Lyon

Kjelder endre