Bjørn Bø
norsk journalist
Bjørn Bø (fødd 30. mai 1947 i Vinje)[1]) er ein norsk journalist som arbeidde i NRK gjennom ei årrekkje, fram til han pensjonerte seg i 2013.[2]
| Bjørn Bø | |
| Statsborgarskap | Noreg |
| Fødd | 30. mai 1947 (77 år) Vinje kommune |
| Yrke | Politisk journalist (NRK) |
| Språk | norsk |
Bø byrja karrieren sin som NRK-stipendiat i 1976. Han arbeidde i NRK Telemark frå 1977 til 1984 og var deretter tilsett i Dagsnytt. Frå 1986 til han gjekk av med pensjon i desember 2013 var Bø i politisk avdeling, der han også ei tid var leiar. Frå 1998 til 1999 var han Stockholm-korrespondent for NRK. Han var særleg kjend som politisk kommentator og som programleiar under valsendingar.[2]
Han blei tildelt Storegutprisen i 2005 for sin levande og ledige bruk av nynorsk.[3]
Bibliografi
endre- Med Øystein Dalland og Svein Ola Stugu: Tre aviser i Bygde-Norge: Altaposten, Driva, Vest-Telemark Blad (1974)
Kjelder
endre- ↑ «Kringkastingspris til Bjørn Bø», Aftenposten, morgenutgaven 28. februar 1997, s. 37: «Bjørn Bø er født i 1947 i Vinje i Telemark.»
- ↑ 2,0 2,1 «Bjørn Bø pensjoneres». journalisten.no. 02.12.2013.
- ↑ «Pris til radiomann frå Vinje». Telemarksavisa. 19. september 2005. Henta 23. oktober 2009.
- Denne artikkelen bygger på «Bjørn Bø» frå Wikipedia på bokmål, den 26. mars 2018.