Blåleire

Blåleire er ei vanleg nemning på uforvitra leire, særleg marin leire avsett under og etter istida. Han er blågrå, men ved forvitring blir han gulbrun fordi jernsambindingane blir oksidert. Teglstein av blåleire har raudgul farge. Seig, fin blåleire blir kalla blålums.

Blåleire brakt opp frå eit djupt lag ved Århus i Danmark. Leira er særs finkorna.

I område med store blåleireressursar har denne vore grunnlag for teglindustri, som hovudsakleg har produsert murstein og takstein av tegl.

Sjå òg

• London Clay

Kjelder

• Blåleire. (14. februar 2009). I Store norske leksikon. Henta 13. februar 2014 frå http://snl.no/bl%C3%A5leire.