Brukargrensesnitt
Brukargrensesnitt eller berre grensesnitt (engelsk: interface) er kontaktflata mellom eit brukarprogram eller eit operativsystem og brukaren av programmet. Gjennom brukargrensesnittet kan brukaren kommunisere med programmet, ved at han gjennom ein meny, eit søkjeord eller på annan måte gir meldingar til programmet. Programmet, på si side, nyttar brukargrensesnittet til å presenterer resultat, til dømes i form av tekst, bilete, video, og så vidare.
