César-François Cassini de Thury

César-François Cassini de Thury (17. juni 1714–4. september 1784) var ein fransk astronom og kartograf som særleg verka innan geodesi (måling og avbilding av jorda). Han var son av Jacques Cassini og far til Jean-Dominique Cassini, som begge var astronomar.

César-François Cassini de Thury
Fødd	17. juni 1714 Paris, Thury-sous-Clermont
Død	4. september 1784 Paris
Nasjonalitet	Kongedømet Frankrike
Område	kartografi
Yrke	astronom, kartograf
Barn	Jean-Dominique Cassini
Medlem	Royal Society Det franske vitskapsakademiet Det bayerske vitskapsakademiet Det prøyssiske vitskapsakademiet

Cassini de Thury blei direktør for Paris-observatoriet i 1756, og korrigerte Parismeridianen som går gjennom observatoriet. Han var initiativtakar for ei trigonometrisk oppmåling av Frankrike, og var hovudmannen bak Cassini-kartet, det første nøyaktige kartet over heile Frankrike. Kartet var også det første som nytta topografiske oppmålingar og triangulering til å skildra eit heilt land. Arbeidet tok til i 1740, og var først ferdig i 1789.

Cassini de Thury gav også ut Description géométrique de la Terre ('Geometrisk skildring av jorda') i 1775.

Kjelder

• Cassini de Thury, César-François (2011), Encyclopædia Britannica. Encyclopædia Britannica Ultimate Reference Suite. Chicago: Encyclopædia Britannica.

• Denne artikkelen bygger på «César-François Cassini de Thury» frå Wikipedia på svensk, den 6. mars 2014.
  • Wikipedia på svensk oppgav desse kjeldene:
    • Svensk uppslagsbok. Lund 1930

• Denne artikkelen bygger på «César-François Cassini» frå Wikipedia på fransk, den 6. mars 2014.